നീണ്ട രണ്ട് വര്ഷത്തെ ഇടവേളക്ക് ശേഷം മോട്ടോ ജി എന്ന പുതിയ ആന്ഡ്രോയ്ഡ് സ്മാര്ട്ട്ഫോണ് അവതരിപ്പിച്ച് മോട്ടറോള ഇന്ത്യന് വിപണിയില് തിരിച്ചെത്തിയിരിക്കുന്നു. ഫോണിന്റെ 8 ജിബി പതിപ്പിന് 12,499 രൂപയും, 16 ജിബി പതിപ്പിന് 13,999 രൂപയുമാണ് വില. 2013 ഡിസംബറില് അമേരിക്കന് വിപണിയില് ഇറങ്ങിയ ഫോണാണിത്. മോട്ടോ ജിയുടെ ഡ്യുവല് സിം പതിപ്പാണ് ഇന്ത്യയില് ലഭിക്കുക.
19 തരം നിറങ്ങളില് ഉള്ള ബാക്ക് കവറുമായാണ് ഈ ഫോണ് ഇറങ്ങുന്നത്. കളര് ബാക്കുകള് ഉള്ള സ്മാര്ട്ട് ഫോണുകള് തരംഗമാകുന്നതിനാല് ആ വഴിക്ക് തന്നെയാണ് മോട്ടോ ജിയും നീങ്ങുന്നതെന്ന് വ്യക്തം. ഫോണ് നിരൂപകരില് നിന്ന് മികച്ച അഭിപ്രായം നേടാന് മോട്ടോ ജി’ക്ക് കഴിഞ്ഞിട്ടുണ്ട്.
ഫോണിന്റെ സ്പെസിഫിക്കേഷന് താഴെ പറയുംപോലെ ആണ്.
- 4.5-inch 1280x720p എച്ച്ഡി ഡിസ്പ്ലേ
- 1.2GHz ക്വാഡ്-കോര് സ്നാപ്ഡ്രാഗണ് 40 പ്രോസസ്സര്
- 1 ജിബി റാം
- 8/16 ജിബി ബില്റ്റ് ഇന് മെമ്മറി
- 5 മെഗാപിക്സല് പിന്ക്യാമറ, 1.3 മെഗാപിക്സല് മുന്ക്യാമറ
- 2070 എം.എ.എച് ബാറ്ററി
- ആന്ഡ്രോയ്ഡ് 4.3 ജെല്ലിബീന് ഒഎസ് ( ആന്ഡ്രോയ്ഡ് 4.4 അപ്ഡേറ്റ് ഉടന് ലഭ്യമാകും )
- വൈഫൈ, ജിപിഎസ്, ബ്ലൂടൂത്ത് 4.0
ഫോണിന്റെ സ്പെസിഫിക്കേഷന് നോക്കുമ്പോള് വളരെ കുറഞ്ഞ വിലയാണ് മോട്ടോ ജി’ക്ക് ഉള്ളത്. ചെറിയ വിലയിലുള്ള സ്മാര്ട്ട് ഫോണുകള്ക്ക് ആവശ്യക്കാര് കൂടിയ മാര്ക്കറ്റാണ് ഇന്ത്യ. മോട്ടറോള ഇത് കണ്ടറിഞ്ഞാണ് കുറഞ്ഞ വിലക്ക് മോട്ടോ ജി ഇന്ത്യയില് ഇറക്കിയത്.