വിന്‍ഡോസ് 9 അടുത്തവര്‍ഷം ഏപ്രിലില്‍ വിപണിയിലെത്തും

മൈക്രോസോഫ്റ്റ് വിന്‍ഡോസ്‌ ഓപ്പറേറ്റിങ്ങ് സിസ്റ്റത്തിന്റെ ഏറ്റവും പുതിയ പതിപ്പ് വിന്‍ഡോസ് 9 അടുത്തവര്‍ഷം ഏപ്രിലില്‍ വിപണിയിലെത്തുമെന്ന് അഭ്യൂഹങ്ങള്‍. ‘ത്രെഷോള്‍ഡ്’ (Threshold) എന്നാകും ഈ പതിപ്പിന്‍റെ കോഡ് നെയിം എന്നാണ് സൂചനകള്‍. ഈ വര്‍ഷം ഏപ്രിലില്‍ നടക്കുന്ന മൈക്രോസോഫ്റ്റിന്‍റെ ഡെവലപ്പേര്‍സ് കോണ്‍ഫ്രന്‍സിലായിരിക്കും ഇതിനെ സംബന്ധിച്ചുള്ള അന്തിമ തീരുമാനം ഉണ്ടാവുക.

windows 9

വിന്‍ഡോസ് 8 2012 ലാണ് ഇറങ്ങിയത്‌. പ്രധാനമായും ടച്ച്‌ സ്ക്രീന്‍ ഉള്ള ഉപകരണങ്ങളെ ലക്ഷ്യം വെച്ചാണ്‌ ഈ ഒഎസ് വന്നത്. വിന്‍ഡോസ്‌ വിസ്റ്റ പോലെ തന്നെ ഏറെ പഴി കേട്ട ഒരു വിന്‍ഡോസ്‌ പതിപ്പാണ്‌ വിന്‍ഡോസ് 8. വിന്‍ഡോസ് 8ന്റെ കുറവുകള്‍ കൂടി പരിഹരിച്ചായിരിക്കും പുതിയ ‘ത്രെഷോള്‍ഡ്’ ഇറങ്ങുകയെന്നാണ് വിന്‍ഡോസ് വൃത്തങ്ങള്‍ സൂചിപ്പിക്കുന്നത്. വിന്‍ഡോസ് 8 നോട്‌ വിമുഖത കാണിച്ച ഡെസ്ക്ടോപ്പ് കമ്പ്യൂട്ടര്‍ വിപണിയെ പ്രീതിപ്പെടുത്തുന്നതിന് പോന്ന മാറ്റങ്ങളുമായിട്ടായിരിക്കും വിന്‍ഡോസ് 9ന്റെ വരവ്.

Leave a Reply